Loading...
Ayoh ye kate doh, dok bulih ikut. ye nok ikut gok. pah tu dalang sejid wak bising. ye berembah nge abang ye. bising bango kali. ayoh ye hok tengoh mayang ni, nok maroh dok auu ah. geletik tangang rase nok bui nampo setir. orang laing kiri kanang dalang sof, mok'o rase gitu gok, mayang dok khusyuk. kalu ye mari dekak, bulih junga tangang belang-belang bace fatehoh, keppok pale setir, baru bulih duk diang. base anok dok rajing mari sejid. ye ingat sejid macang ge padang tepat maing. ye berembah, ye berembah gok nge abang ye. nok wak gane, budok umo due taung, dok auu mende.
Orang paka baju mlayu nok g sejid, ye derah-derah gi amek baju retek dalang robok. tak dok pioh, ye buke abih sorok dalang rumoh cari pioh. bulih ke ye pioh besor, paka jugok, paka jugok, walaupung dok lekat di pale. tenggelang sparuh dahi, napok butir mate je due butir, kelik nghelak. ayoh ye kate "aming doh yoh g ahh, kekg aming bising, dok duk diang, kaca orang mayang". panda ye jawak "aming diang je, aming mayang nge ayoh". uhh, jawak bukang maing juruh. ayoh ye pong ajoklah, nok try, bulih ke dok ye duk diang molek mase orang mayang jumaak. kalu dok ajok kekg, ye nangih guling hanyar depang mok ye sapa ge orang abih mayang. rohok la mok ye nok suh senyak.
mase khutboh tu ye start buak doh, iyah-iyah ye duk fire ke abang ye. abang ye senyak je, dok layang pung. ayoh ye kheling dari jauh, pah tu cerelong nge wak mulut cettum gitu. maroh la tu. ye senyak kejak. pahtu ye segok-segok pulok abang ye, iyah-iyah, koya jadi ultrameng gocoh nge raksakse. ayoh ye cerelong ag, ambek jari tunjuk bubuh mulut, wak gerok kiri kanang. perit meto, takut la konong. derah-derah ye gi duk bira abang ye, khising kali duk senyung. dok dang due minik ye segok pulok abang ye, maing pogong-pogong pulok, iyah-iyah.
ayoh ye wak isyarak ke abang ye suh mari dekak. ayoh ye bisik "koho teruk adik mung ning, mung ajok adik mung g blakang, tepat orang buh slipa nung, mu layang la ye berembah, kok panda ye ah nok gocoh ke, nok guling ke, nok handing dinding ke. dok bulih jadi gini, ye kaca orang nok mayang kekg". abang ye ajok ye g blakang. ye pung derah-derah ikut.
amang metor. bulihla dengo khutboh molek. tok imang perabih khutboh, pahtu nok mayang. pah je takbir, bace fatehoh, eh..tubik mari duanne tau, ye mari pulok nge abang ye. duk selit celoh sof. ye angkat takbir jugok, pahtu wak mulut bebet-bebet, pecih-pecih, pecih-pecih bunyi, bace mende dok au. ekseng je lebih. mase abang ye sujud, ye buwak pulok doh, tengoh molek abang ye sujud, kabat lallu atah blakang abang ye, wak macang kude. keduk-keduk, bising bango. mase abang ye duduk, ye peluk tekok abang ye, lepah tinju due tige butir, debih-debih bunying. gitulah sapa orang abih mayang.
lepah je bagi salang, ayoh ye cerelong lallu, bulak gete mate ye macang nok sembul, maroh tahak gajoh naik minyok. ye kejuk ke mate ayoh ye, ye nusuk blakang abang ye, tau ye saloh sebab ayoh ye pesang doh, jangang wak bising dalang sejid. ayoh ye saoung slow-slow "sape maing mase mayang takdi hah??".dalang takutang ye jawak "bukang aming".
Kebetulang tok imang tengoh bace doa, tok makmung pung jawak rama-rama "aaaamiinnggg". ye kejuk, bakpe sume orang kate ke ye. ayoh ye tanye ag, "sape bising bango gocoh dalang sejid haahh??". tok imang bace doa. makmung pung jawak "aaaamingg". pucak lesi muke ye, ye pung jawak "bukang aming, bukang aminggggg....". muke paling kiri kanang perati ke makmung, mintok kasihang belas. abang ye dok tahang nok suke tengok ye pucak lesi. ayoh ye wak lolok tanye ag "sape ho maing berembah dalang sejid haaahh??". tok imang perabih bace doa, hok akhir ye kate "Ya Rabbal Alamin", kuak skek dari hok biase. makmung pung bace "amin Ya Rabbal Alamin". ye kejjuk dengor. "bukang aming, bukang aming", selok ye nangih takutang. makmung pakat perati ke ye. derah-derah ye g jermba ke ayoh ye. reboh nungging ye sapa sellok kaing. abang ye dok tahang nok suke sapa guling bating depang sof.......
Orang paka baju mlayu nok g sejid, ye derah-derah gi amek baju retek dalang robok. tak dok pioh, ye buke abih sorok dalang rumoh cari pioh. bulih ke ye pioh besor, paka jugok, paka jugok, walaupung dok lekat di pale. tenggelang sparuh dahi, napok butir mate je due butir, kelik nghelak. ayoh ye kate "aming doh yoh g ahh, kekg aming bising, dok duk diang, kaca orang mayang". panda ye jawak "aming diang je, aming mayang nge ayoh". uhh, jawak bukang maing juruh. ayoh ye pong ajoklah, nok try, bulih ke dok ye duk diang molek mase orang mayang jumaak. kalu dok ajok kekg, ye nangih guling hanyar depang mok ye sapa ge orang abih mayang. rohok la mok ye nok suh senyak.
mase khutboh tu ye start buak doh, iyah-iyah ye duk fire ke abang ye. abang ye senyak je, dok layang pung. ayoh ye kheling dari jauh, pah tu cerelong nge wak mulut cettum gitu. maroh la tu. ye senyak kejak. pahtu ye segok-segok pulok abang ye, iyah-iyah, koya jadi ultrameng gocoh nge raksakse. ayoh ye cerelong ag, ambek jari tunjuk bubuh mulut, wak gerok kiri kanang. perit meto, takut la konong. derah-derah ye gi duk bira abang ye, khising kali duk senyung. dok dang due minik ye segok pulok abang ye, maing pogong-pogong pulok, iyah-iyah.
ayoh ye wak isyarak ke abang ye suh mari dekak. ayoh ye bisik "koho teruk adik mung ning, mung ajok adik mung g blakang, tepat orang buh slipa nung, mu layang la ye berembah, kok panda ye ah nok gocoh ke, nok guling ke, nok handing dinding ke. dok bulih jadi gini, ye kaca orang nok mayang kekg". abang ye ajok ye g blakang. ye pung derah-derah ikut.
amang metor. bulihla dengo khutboh molek. tok imang perabih khutboh, pahtu nok mayang. pah je takbir, bace fatehoh, eh..tubik mari duanne tau, ye mari pulok nge abang ye. duk selit celoh sof. ye angkat takbir jugok, pahtu wak mulut bebet-bebet, pecih-pecih, pecih-pecih bunyi, bace mende dok au. ekseng je lebih. mase abang ye sujud, ye buwak pulok doh, tengoh molek abang ye sujud, kabat lallu atah blakang abang ye, wak macang kude. keduk-keduk, bising bango. mase abang ye duduk, ye peluk tekok abang ye, lepah tinju due tige butir, debih-debih bunying. gitulah sapa orang abih mayang.
lepah je bagi salang, ayoh ye cerelong lallu, bulak gete mate ye macang nok sembul, maroh tahak gajoh naik minyok. ye kejuk ke mate ayoh ye, ye nusuk blakang abang ye, tau ye saloh sebab ayoh ye pesang doh, jangang wak bising dalang sejid. ayoh ye saoung slow-slow "sape maing mase mayang takdi hah??".dalang takutang ye jawak "bukang aming".
Kebetulang tok imang tengoh bace doa, tok makmung pung jawak rama-rama "aaaamiinnggg". ye kejuk, bakpe sume orang kate ke ye. ayoh ye tanye ag, "sape bising bango gocoh dalang sejid haahh??". tok imang bace doa. makmung pung jawak "aaaamingg". pucak lesi muke ye, ye pung jawak "bukang aming, bukang aminggggg....". muke paling kiri kanang perati ke makmung, mintok kasihang belas. abang ye dok tahang nok suke tengok ye pucak lesi. ayoh ye wak lolok tanye ag "sape ho maing berembah dalang sejid haaahh??". tok imang perabih bace doa, hok akhir ye kate "Ya Rabbal Alamin", kuak skek dari hok biase. makmung pung bace "amin Ya Rabbal Alamin". ye kejjuk dengor. "bukang aming, bukang aming", selok ye nangih takutang. makmung pakat perati ke ye. derah-derah ye g jermba ke ayoh ye. reboh nungging ye sapa sellok kaing. abang ye dok tahang nok suke sapa guling bating depang sof.......
0 Ulasan
jerit kat sini